नागपूर :- केंद्रीय मंत्री नितीन गडकरी यांच्या संकल्पनेतून साकारलेल्या सहाव्या खासदार क्रीडा महोत्सवा अंतर्गत बुधवारी (ता. १७) विवेकानंद नगर स्पोर्ट्स कॉम्प्लेक्स येथे तायक्वाँडो स्पर्धेचे थाटात उद्घाटन करण्यात आले.
महाराष्ट्र राज्य भाजपचे उपाध्यक्ष संजय भेडे यांच्या हस्ते स्पर्धेचे उद्घाटन करण्यात आले. याप्रसंगी स्पोर्ट्स तायक्वाँडो असोसिएशनेचे अध्यक्ष माजी आमदार सुधाकर कोहळे, इंटरनॅशनल तायक्वाँडो लायसन्स कोच बालाजी जोगदंड, इंडिया तायक्वांडो कोच मुंबईचे विल्सन वोरळीकर, एस. एन. मोर कॉलेज, तुमसरचे प्राचार्य डॉ. चेतनकुमार मसराम, भाजप दक्षिण नागपूरचे अध्यक्ष देवेन दस्तुरे, स्पोर्ट तायक्वांडो असोसिएशनचे सचिव डॉ. संतोष चौधरी, शिवछत्रपती पुरस्कार्थी व खासदार क्रीडा महोत्सवाचे सचिव डॉ. पियुष आंबुलकर, खासदार क्रीडा महोत्सवाचे सहसंयोजक सचिन माथने, खासदार क्रीडा महोत्सवाचे समन्वयक गजानन निशितकर यांच्यासह इतर मान्यवर प्रामुख्याने उपस्थित होते.
