नागपूर :-वडीलांना घेऊन दुचाकीने घरी परतत असताना मागून येणा-या भरधावर स्टार बसने दुचाकीला कट मारली. या अपघातात वडील बसच्या चाकाखाली आल्याने त्यांचा मृत्यू झाला. तर मूलगा जखमी झाला. दिनकर बाबुराव राऊत, (६५) असे मृतकाचे तर श्रीरंग दिनकर राऊत (२२) असे जखमी मुलाचे नाव आहे. क्रीडा चौक ते आवाराी चौका दरम्यान ही घटना घडली.
रा. प्लॉट नंबर ५३९, जुनी शुक्रवारी कोतवाली येथे राहणारे श्रीरंग आणि दिनकर हे दोघे ४ आॅगस्ट रोजी, दुपारी २.३० वाजताच्या सुमारास दुचाकी (एम.एच.बी.एफ.०८१८) ने हॉस्पिटलमधून घरी परतत होते. यावेळी, श्रीरंग दुचाकी चालवत होता. ते ईमामवाडा पोलिस ठाण्यांतर्गत न्यू मारोती चिकन सेंटर, क्रीडा चौक ते आवारी चौक दरम्यान पोहोचले असता स्टार बस (एमएच ४० बी.जी. १०८४) चा चालक गुणेश्वर शिवाजी सहारे (४९, रा. पंचशीलनगर, राणी दुर्गावती चौक) याने त्याच्या ताब्यातील दुचाकी भरधाव वेगाने तसेच निष्काळजीपणाने चालवत श्रीरंगच्या दुचाकीला कट मारली. यामुळे, त्याचे दुचाकीवर मागे बसलेले वडील आणि तो खाली पडले असता वडील हे बसच्या मागच्या चाकात सापडले. त्यांना उपचाराकरिता मेडिकल रुग्णालयात दाखल केले असता डॉक्टरांनी त्यांना तपासून मृत घोषित केले. या प्रकरणी प्राप्त तक्रारीवरून पोलिसांनी आरोपी विरूद्ध कलम १०६(१), २८१, १२५(अ) भादंवि अन्वये गुन्हा दाखल करत बस चालकाला अटक केली आहे.
