संदीप कांबळे,विशेष प्रतिनिधी
![](https://newstoday24x7.com/wp-content/uploads/2024/08/dggds.jpg)
कामठी ता प्र 21:-स्थानिक जुनी कामठी पोलीस स्टेशन हद्दीत येणाऱ्या माजी नगरसेवक कपिल गायधने यांच्या ‘प्रयत्न’जन संपर्क कार्यालया जवळ मोलमजुरी करून थकून घरी परत येत असलेल्या महिलेच्या गळ्यातील दुचाकीवर असलेल्या दोन अज्ञात आरोपीने सोन्याची चैन हिसकावून पळ काढल्याची घटना आज सायंकाळी सात दरम्यान घडली असून नुकसान झालेल्या महिलेचे नाव रेखा भारत बोरकर वय 60 वर्षे रा हमालपुरा असे आहे.
प्राप्त माहितीनुसार सदर महिला कामाहुन पायी पायी घराजवळ पोहोचले असता पाठलाग करीत असलेल्या दोन तरुनानी सदर महिलेजवळ दुचाकी थांबवून पत्ता विचारण्याचा बहाणा करीत संधी साधून त्वरित सदर महिलेच्या गळ्यातील सोन्याची चैन हिसकावून पळ काढला.घटना घडताच महिलेने मदतीची हाक मागत आरडा ओरड केले असता माजी नगरसेवक कपिल गायधने तसेच शेजारी मंडळींनी मदतीची धाव घेतली मात्र तोवर आरोपीने पळ काढण्यात यश गाठले होते.घटनेची माहिती पोलिसांना कळताच जुनी कामठी पोलिसांनी त्वरित घटनास्थळ गाठून आरोपीच्या शोधार्थ तपास यंत्रणेला गती देत घटनास्थळ जवळील माजी नगरसेवक कपिल गायधने यांच्या ‘प्रयत्न’ जनसंपर्क कार्यालयातील सीसीटीव्ही फुटेज तपासणे सुरू असून या सीसीटीव्ही फुटेज मध्ये घटना कॅमेऱ्यात कैद झाली असून लवकरच आरोपीचा छडा लावण्यात यश येईल असा विश्वास पोलिसांनी नुकसान धारक महिलेला दिला आहे.
![](https://newstoday24x7.com/wp-content/uploads/2024/03/Dphysiiocare-2.jpeg)