नागपूर :- पंढरपुरला जे वारकरी जाऊ शकले नाही. ते वारकरी विदर्भातील प्रतिपंढरपूर म्हणून विख्यात असलेल्या श्रीक्षेत्र धापेवाडयात विठुरायाच्या दर्शनाला येतात. विदर्भ पंढरपुर म्हणून गणल्या जाणा-या श्रीक्षेत्र धापेवाडयात चंद्रभागेच्या तीरी विठ्ठल रुख्मीणी मंदिरात गुरुपौर्णिमेच्या दुस-या दिवशी पंढरपुर येथुन प्रत्यक्ष भगवंत धापेवाडयात दाखल होतात, अशी आख्यायिका आहे, या दिवशी हजारोच्या संख्येने विदर्भासह मध्यप्रदेश व इतर ठिकाणाहुन भाविक मोठ्या प्रमाणात श्रध्देने येत असतात. यंदा ही यात्रा भरणार असल्याने भाविकांची सोयी सुविधा करणे सुरू आहे.
श्री क्षेत्र धापेवाडा येथे आषाढी एकादशी निमीत्त दि. १७/०७/२०२४ रोजी व आषाढी प्रतिपदा निमीत्त दि. २२/०७/२०२४ रोजी मोठ्या प्रमाणात यात्रा भरणार असल्याने हर्ष पोद्दार पोलिस अधिक्षक नागपुर ग्रामीण व अनिल म्हस्के सहाय्यक पोलिस अधिक्षक सावनेर यांनी संयुक्त पणे भेट देवुन यात्रा परिसराची पाहणी केली. व आढावा घेवुन मंदीर ट्रस्ट कमेटी सचिव सदस्य यांना भाविकांचे सुरक्षितते बाबत उपाय योजना करण्यात बावत मार्गदर्शन सुचना दिल्या. कोणतीही अनुचीत घटना घड्डु नये शांतता व सुव्यवस्था राखण्याचे दृष्टीकोणातून मार्गदर्शन करण्यात आले. सदर आढावा बैठकीला रविंद्र मानकर पोलिस निरिक्षक सावनेर देवेंद्र वंजारी सहायक पोलिस निरिक्षक कळमेश्वर व रवि पवार, आदित्य पवार, विलास वैद्य विनोद मेश्राम व इतर मान्यवर उपस्थित होते.
