नागपूर :- “स्वभाव स्वच्छता-संस्कार स्वच्छता’ या संकल्पनेस अनुसरून केंद्र सरकारच्या स्वच्छता पंधरवड्यातील स्वच्छता ही सेवा अभियांतर्गत नागपूर महानगरपालिकेद्वारा सफाई मित्र आरोग्य तपासणी शिबिराचे आयोजन करण्यात आले आहे.
नागपूर महानगरपलिका आयुक्त तथा प्रशासक डॉ. अभिजीत चौधरी यांच्या मार्गदर्शनात व अतिरिक्त आयुक्त आंचल गोयल यांच्या नेतृत्वात मनपाच्या दहाही झोन निहाय स्वच्छता ही सेवा अभियान राबविण्यात येत आहे. याद्वारे मनपाच्या नागरी प्राथमिक आरोग्य केंद्रावर शहराच्या स्वच्छतेसाठी अहोरात्र कार्यरत सफाई कर्मचाऱ्यांकरिता आरोग्य तपासणी शिबिर घेण्यात येत आहे.
आरोग्य शिबिरात तज्ज्ञ डॉक्टरांच्या चमूद्वारे स्वच्छता कर्मचाऱ्यांना आरोग्य विषयी मार्गदर्शन केले जात आहे. याशिवाय शुगर, रक्तदाब, व्हायरल इन्फेक्शन व रक्त तपासणी करण्यात येत आहे. तसेच त्यांना आवश्यतेनुसार औषधांचे वाटप करण्यात येत आहे. तरी अधिकाधिक संख्येत सफाई कर्मचार्यांनी आरोग्य तपासणी शिबिराचा लाभ घ्यावा असे आवाहन करण्यात मनपाद्वारे करण्यात येत आहे.
