संदीप कांबळे,विशेष प्रतिनिधी
कामठी ता प्र 25:- धुळीवंदन साजरा करण्याच्या उत्साहात आई वडील व भावासह दुचाकीने आजीच्या घरी जात असलेल्या पाच वर्षीय बालिकेचा दुचाकी अपघातात जागीच दुर्दैवी मृत्यु झाल्याची घटना आज सायंकाळी साडे पाच दरम्यान घडली असून मृतक बालिकेचे नाव आलीशा राजेश दहाट वय 5 वर्षे रा नया गोदाम कामठी असे आहे.
प्राप्त माहितीनुसार सदर मृतक बालिकेचे वडील राजेश दहाट हे धुलिवंदन उत्साह साजरा करण्यासाठी दुचाकीने कामठी-कन्हान मार्गे सासुरवाडी गाव असलेल्या देवलापार ला जात असता जुनी कामठी पोलीस स्टेशन हद्दीत येणाऱ्या कमसरी बाजार जवळ झालेल्या दुचाकी अपघातात मृतक बालिकेचे आई वडील व भाऊ किरकोळ जख्मि झाले तर मृतक बालिका ही जागीच मरण पावले.
घटनेची माहिती मिळताच पोलिसांनी त्वरित घटनास्थळ गाठून घटनास्थळाचा पंचनामा करीत घटनेची नोंद केली तर मृतक बालिकेचे आई वडील व भाऊ किरकोळ जख्मि असून नागपूर च्या मेयो इस्पितळात उपचार घेत आहे.पोलिसांनी तुर्तास घटनेची नोंद केली असून पुढील तपास सुरू आहे.
