नागपूर :-साहित्यधारा बहुउद्देशीय सेवाभावी संस्था, छत्रपती संभाजीनगर द्वारा कामठी येथील लघुउद्योजिका वंदना दिपक रायबोले यांना दिला जाणारा अत्यंत मानाचा असलेला राज्यस्तरीय ‘आदर्श महिला उद्योजिका पुरस्कार’ जाहिर करण्यात आला आहे.
साहित्यधारा बहुउद्देशीय सेवाभावी संस्थेच्या निवड समितीचे संयोजक अध्यक्ष डॉ. संघर्ष सावळे यांनी त्यांना पत्राद्वारे कळविले आहे. या राज्यस्तरीय पुरस्काराचा वितरण सोहळा दि.५ मे २०२४ रोजी, आईन्स्टाईन सभागृह, एमजीएम विद्यापीठ, छत्रपती संभाजीनगर येथे आयोजित करण्यात आला आहे.
वंदना दिपक रायबोले यांनी पतीचे कोरोना काळात अकाली निधन झाल्यानंतर खचून न जाता स्वकर्तृत्वाने गृह उद्योगाच्या माध्यमातून आपले जिवन स्वावलंबी केले असून समाजात एक आदर्श उद्योजिका म्हणून आपली वेगळी ओळख निर्माण केली आहे. त्यांना नारीशक्ती पुरस्कार, हिरकणी पुरस्कार ई.पुरस्कारांनी गौरविण्यात आले असून त्यांच्या या कार्याची दखल घेत आदर्श महिला उद्योजिका पुरस्कार जाहीर करण्यात आला आहे. असे प्रसिद्धी पत्रकात सांगितले आहे.
