चंद्रपूर :- चंद्रपूर शहर महानगरपालिकेमार्फत केंद्र शासन पुरस्कृत अटल मिशन फॉर रिज्युवेनेशन ॲण्ड अर्बन ट्रान्सफॉरमेशन (अमृत) पाणीपुरवठा योजना राबविण्यात येत आहे. या योजनेचे वडगाव झोन हवेली गार्डन परिसरातील काम पूर्ण झाले असुन सदर कामाची आयुक्त विपीन पालीवाल यांनी पाहणी केली व पाणी पुरवठ्यासंबंधी सर्व तक्रारी सोडवून पाणी पुरवठा सुरळीत करण्याचे निर्देश दिले. 
पाणी पुरवठा झोन क्र. १५ अंतर्गत हवेली गार्डन येथे अमृत पाणी पुरवठा योजनेचे काम पूर्ण झालेले आहे.१७ मे रोजी आयुक्त विपीन पालीवाल,अतिरिक्त आयुक्त चंदन पाटील, उपअभियंता विजय बोरीकर,प्रभागाचे माजी नगरसेवक देवानंद वाढई,पप्पू देशमुख यांनी त्रिमूर्ती नगर,गणपती मंदिरा जवळील परिसर,लक्ष्मी सलुजा जवळील परिसर,मुस्तफा कॉलनी,स्नेह नगर,हरदेव किराणा चौक इत्यादी परिसरात भेट देऊन योजनेची पाहणी केली तसेच काही घरांना भेट देऊन पाणी पुरवठ्यासंबंधी समस्या जाणून घेतल्या. 
या परिसरातील अमृत योजनेअंतर्गत नळ जोडणीची कामे पूर्ण झाली आहे.अनेक जागी मीटर लावण्याचे काम पूर्ण झाले असुन काही जागी शिल्लक आहे तसेच काही किरकोळ गळती दुरुस्ती करण्याचेही काम सुरु आहे. या त्रुट्या दुरुस्त करून लवकरात लवकर पाणी पुरवठा सुरळीत करण्याचे निर्देश आयुक्त यांनी दिले आहेत.
Next Post
धनगर समाजातील नवउद्योजक महिलांकरीता शासनाची स्टँड अप इंडिया योजना
Thu May 18 , 2023
गडचिरोली :- गडचिरोली जिल्हयातील धनगर समाजाच्या नवउद्योजक महिलांना सुचित करण्यात येते की, केंद्र शासनाच्या स्टँड अप इंडिया या योजनेअंतर्गत महाराष्ट्र राज्यातील धनगर समाजातील महिलांकरीताच्या सवलतीस पात्र नवउद्योजक महिला लाभार्थ्यांना एकुण प्रकल्प किंमतीच्या लाभार्थी यांचे हिस्यामधील 25 टक्के मधील जास्तीत जास्त 15 टक्के मर्जिन मनी उपलब्ध करुन देण्यास ( Front End Subsidy ) देण्यास इतर मागासवर्ग सामाजिक व शैक्षणिक मागास प्रवर्ग, […]
