नागपूर :-पोलीस ठाणे जरीपटका येथील तपास पथकाचे अधिकारी व अंमलदार हे पोलीस ठाणे हद्दीत गुन्हेगाराचे शोधात पेट्रोलींग करीत असतांना, भिमसेना नगर झोपडपट्टी कडे जाणारा रोड, नारा घाट जवळ एक इसम संशयीतरित्या फिरतांना दिसल्याने, त्यास हटकले असता तो पोलीसांना पाहुन पळण्याचे प्रयत्नात असतांना त्यास पकडले. त्यास त्याचे नाव पत्ता विचारले असता, त्याने त्याचे नाव आशिष उर्फ बोड्या यादवराव चौधरी, वय ४१ वर्षे, रा. गल्ली नं. १०, अनिल खरे यांच्या भराजवळ, मोहन नगर, जरीपटका, नागपुर असे सांगीतले. त्याची कायदेशिर अंगझडती घेतली असता, त्याचे कमरेत पॅन्टचे आत एक लोखंडी चाकु किंमती १००/- रू चा मिळून आल्याने जप्त करण्यात आला.
आरोपी हा कोणतातरी दखलपात्र गुन्हा करण्याचे उद्द्देशाने शस्त्रासह समक्ष मिळून आल्याने तसेच, त्याने मा सह पोलीस आयुक्त, नागपुर शहर यांचे मनाई आदेशाचे उल्लंघन केल्याने, पोलीस ठाणे जरीपटका येथे सपोनि प्रविण सोनवणे यांनी आरोपीविरूध्द कलम ४/२५ भा.ह.का.. सहकलम १३५ म.पो.का. अन्वये गुन्हे दाखल करून, आरोपीस अटक केली आहे. पुढील तपास सुरू आहे.
