संदीप कांबळे, विशेष प्रतिनिधी
कामठी :- स्थानिक नविन कामठी पोलीस स्टेशन हद्दीत येणाऱ्या कामठी मोटर स्टँड चौकातील पेट्रोल पंप समोरील तीन चाकी ऑटो स्टँड मध्ये उभ्या असलेल्या एका तीन चाकी ऑटो मध्ये एका तरुणाचा मृतदेह आढळल्याची घटना आज सकाळी 8 वाजता निदर्शनास आली असून मृतक तरुणाचे नाव मनोज शंकरराव कडू वय 40 वर्षे रा ओमसाई नगर,कामठी असे आहे.
घटनेची माहिती मिळताच पोलिसांनी त्वरित घटनास्थळ गाठून घटनास्थळाचा पंचनामा करीत मृतदेह ताब्यात घेत मृतदेहाच्या पार्थिवावर शविच्छेदनगृहात शवविच्छेदन करण्यात आले.पोलिसांनी तूर्तास आकस्मिक मृत्यूची नोंद केली असून पुढील तपास सुरू आहे.
