संदीप कांबळे, विशेष प्रतिनिधी
कामठी :- स्थानिक जुनी कामठी पोलीस स्टेशन हद्दीत येणाऱ्या कादर झेंडाच्या नाल्यात एका अनोळखी वृद्धाचा मृतदेह आढळल्याची घटना आज सकाळी 9 दरम्यान निदर्शनास आली असून मृतकाची ओळख अजूनही पटलेली नाही.
पोलिसांनी दिलेल्या माहितीनुसार सदर मृतक हा कादर झेंडा परिसरातील एका झाडाखाली बसून असायचा.मिळेल त्या आश्रयावर स्वतःचा जीवणायापाण करीत होता .आज सकाळी नऊ दरम्यान सदर अनोळखी वृद्धाचा मृतदेह परिसरातील नाल्यात आढळले असता पोलिसांनी त्वरित घटनास्थळ गाठून घटनास्थळाचा पंचनामा करीत मृतदेह ताब्यात घेऊन शवविच्छेदनार्थ शासकीय उपजिल्हा रुग्णालयात हलविण्यात आले.पोलिसांनी तूर्तास आकस्मिक मृत्यूची नोंद केली असून पुढील तपास सुरू आहे.
