यवतमाळ :- पंढरपुर येथे जाणाऱ्या भाविकांना शासनाने पथकरातून सुट दिली आहे. भाविकांनी या सुटचा लाभ घ्यावा व त्यासाठी उपप्रादेशिक परिवहन कार्यालयातून सुट प्रवेशपत्र प्राप्त करून घ्यावे, असे आवाहन करण्यात आले आहे.
भाविकांच्या वाहनांना पंढरपुरला जाणाऱ्या पथकरातून सुट मिळाल्यामुळे उपप्रादेशिक परिवहन कार्यालयाकडून भाविकांना व वारकऱ्यांना सवलत प्रवेशपत्र जारी करण्याचे कामकाज खटला विभाग खिडकी क्रमांक 7 मधुन सकाळी 11 ते सायंकाळी 5 वाजेपर्यंत करण्यात येत आहे. भाविक भक्तांनी या संधीचा लाभ घ्यावा, असे उप प्रादेशिक परिवहन अधिकारी प्रशांत देशमुख यांनी कळविले आहे.
@ फाईल फोटो
