नागपूर :- युवा लेखिका पृथा प्रवीण लव्हाळे यांनी लिहिलेल्या ‘द अनटोल्ड स्टोरी ऑफ ए रायटर’ या पुस्तकाचे प्रकाशन मंगळवार दि. 22 ऑक्टोबर रोजी सायंकाळी 5 वाजता करण्यात येणार आहे. माजी राज्य माहिती आयुक्त राहुल पांडे यांच्या हस्ते या पुस्तकाचे प्रकाशन धनवटे सभागृहात करण्यात येणार आहे.
विदर्भ गौरव प्रतिष्ठानतर्फे आयोजित पुस्तक प्रकाशन समारंभाच्या अध्यक्षस्थानी विदर्भ गौरव प्रतिष्ठानचे अध्यक्ष डॅा. गिरीश गांधी तर प्रमुख अतिथी दै. तरुण भारतचे डिजिटल संपादक शैलेश पांडे राहणार आहेत. या कार्यक्रमाला मोठ्या संख्येने उपस्थित राहण्याचे आवाहन विदर्भ गौरव प्रतिष्ठानतर्फे करण्यात आले आहे.
