संदीप कांबळे, विशेष प्रतिनिधी
कामठी :- शेतकऱ्यांचा सर्वात मोठा सन हा पोळा असून बैलपोळा व तान्हापोळा असा सन साजरा होण्याची महाराष्ट्रीयन संस्कृती अजूनही कायम आहे .तान्हापोळा हा बहुतेक लहान मुलाच्या विरंगुळ्यासाठी साजरा करण्याची प्रथा आहे लहान मुलं या दिवशी लाकडी, मातीच्या नंदीबैलाना सजवून घरोघरी जातात व त्यांना काही दक्षिना देत व तोंड गोड करीत स्वागत केले जाते मात्र या तान्हापोळ्याच्या माध्यमातून लहान मुलांना कृषी संस्कृतीची शिकवण देत असल्याचे मौलिक प्रतिपादन मुख्य अतिथी माजी नगरसेवक प्रतीक पडोळे यांनी शिवछत्रपती नगर येथे चंद्रशेखर डोनारकर द्वारा आयोजित तान्हा पोळा कार्यक्रमात व्यक्त केले.
तान्हापोळ्या निमित्त सहभागी समस्त बालकांनी विविध वेशभूषा परिधान करून सहभाग घेतला. यावेळी सहभागी बालकांना गोड मिठाई,फळ,चॉकलेट,बक्षीस वितरण करीत सम्मान करून तान्हापोळा साजरा करण्यात आला.यावेळी दिनेश देवांगण क्रिश सातपुते ,पिंटू कांबळे, हर्षल रंधई या बालकांना तान्हा पोळ्या निमित्त बक्षीस देऊन सन्मानीत करण्यात आले.
