नागपूर :- दक्षिण नागपूर मतदार संघातील कामगार कल्याण भवन राजे रघुजी नगर येथील जलतरण तलाव कोवीड काळापासून बंद होता. त्या संदर्भात आमदार मोहन मते यांनी अनेकदा सभागृहात प्रश्न उपस्थित केले.
या विषयावर मंत्री महोदयांनी यावर लक्ष केंद्रित करून तातडीने कामगार कल्याण निधी अंतर्गत १ कोटी ९९ लक्ष निधी उपलब्ध करून दिला या कार्याचे भूमिपूजन दिनांक ०३/०६/२०२३ रोजी आमदार मोहन मते यांच्या शुभहस्ते करण्यात आले. येणाऱ्या काळात हा जलतरण तलाव सामान्य जनतेसाठी उपलब्ध होईल. या प्रसंगी कामगार कल्याण केंद्राचे सर्व अधिकारी गण, सार्वजनिक बांधकाम विभागातील सर्व गणमान्य अधिकारी तसेच भारतीय जनता पार्टी दक्षिण नागपूर चे सर्व पदाधिकारी व अनेक गणमान्य नागरिक उपस्थित होते
