नागपूर : स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने बुधवारी (ता.8) 3 प्रतिष्ठानांवर कारवाई करून 21 हजार रुपयांचा दंड वसूल केला. मनपा आयुक्त तथा प्रशासक राधाकृष्णन बी. यांच्या मार्गदर्शनात लक्ष्मीनगर झोन अंतर्गत रामदासपेठ येथील M/s Shreeniwas Recon Pvt Ltd यांच्याविरुध्द रस्त्यालगत बांधकाम साहित्य पसरविल्याबद्दल कारवाई करून 10 हजार रुपयांचा दंड वसूल करण्यात आला.
धरमपेठ झोन अंतर्गत नॉर्थ अंबाझरी रोड येथील विदर्भ फेड्रेशन एकॅडमी यांच्याविरुध्द अनधिकृत ठिकाणी कचरा आणि कचरा पेटवतांना आढळल्याबद्दल कारवाई करून 5 हजार रुपयांचा दंड वसूल करण्यात आला. लकडगंज झोन अंतर्गत सुर्या नगर येथील M/s Litil Milanium यांच्याविरुध्द विनापरवानगीने विद्युत खांबावर बॅनर / होर्डिंग लावल्याबद्दल कारवाई करून 6 हजार रुपयांचा दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
