खामगाव येथे खेळाडूंचे 13 नोव्हेंबरपासून प्रशिक्षण शिबिर
अमरावती :- मुंबई विद्यापीठाच्या बी.के.बिर्ला कॉलेज, कल्याण जि.ठाणे येथे दिनांक 26 ते 30 नोव्हेंबर दरम्यान होणा-या पश्चिम विभागीय आंतर विद्यापीठ टेनिस (पुरुष) स्पर्धेसाठी संत गाडगे बाबा अमरावती विद्यापीठाचा संघ घोषित झाला आहे. या खेळाडूंचे प्रशिक्षण शिबिर दिनांक 13 ते 22 नोव्हेंबर 2022 दरम्यान खामगाव येथील जी.एस.सायन्स कॉलेज येथे होणार आहे.
खेळाडूंमध्ये खामगाव येथील जी.एस.सायन्स कॉलेजचा शिमोन शास्त्री, मोहंमद मुस्तफा काझीम, हितेश दासमलानी व धर्निधर मिश्रा, डिग्री कॉलेज ऑफ फिजिकल एज्युकेशन, अमरावतीचा शाहीर फरहाज, तर राखीवमध्ये विद्याभारती महाविद्यालय, अमरावतीचा अनुज शिंगरोळ, श्री शिवाजी कला, विज्ञान व वाणिज्य महाविद्यालय, अकोलाचा पवन बिडकर यांचा समावेश आहे.
सर्व खेळाडूंनी खामगाव येथील जी.एस.सायन्स कॉलेज येथे होणा-या प्रशिक्षण शिबिराला उपस्थित रहावे, असे आवाहन संत गाडगे बाबा अमरावती विद्यापीठाच्या क्रीडा व शारीरिक शिक्षण विभागाचे संचालक डॉ. अविनाश असनारे यांनी विद्यापीठाच्या वतीने केले आहे.
