– भदन्त ससाई यांच्या उपस्थितीत बुद्ध वंदना
नागपूर :- जगाला शांती, करूणा आणि मैत्रीचा संदेश देणारे तथागत गौतम बुद्ध यांच्या जयंती दिनानिमित्त महात्मा बुद्ध, महामानव डॉ. बाबासाहे आंबेडकर यांच्या प्रतिमेला पुष्पमाला अर्पण करून अभिवादन करण्यात आले.
डॉ. बाबासाहेब आंबेडकर स्मारक समिती दीक्षाभूमी, अखिल भारतीय धम्मसेना आणि भिक्खु महासंघ यांच्या संयुक्त विद्यमाने दीक्षाभूमी येथे आयोजित कार्यक्रमात स्मारक समितीचे अध्यक्ष तथा धम्मसेना नायक भदन्त आर्य नागार्जुन सुरेई ससाई यांच्या उपस्थितीत बुद्ध वंदना घेण्यात आली. स्तुपाच्या आत तथागत बुद्ध यांच्या प्रतिमेला नतमस्तक होत अभिवादन करण्यात आले. बाबासाहेबांच्या अस्थिचे दर्शन घेतल्यानंतर जयघोष करण्यात आला.
याप्रसंगी स्मारक समितीचे डॉ. सुधीर फुलझेले, आनंद फुलझेले, प्राचार्या डॉ. मेहरे यांच्यासह महाविद्यालयाचे प्राध्यापक, प्राध्यापिका, भंते नागसेन, भिमाबोधी, अश्वजित, नागवंश, भिक्खुनी संघप्रिया, विशाखा, धम्मशीला, रवी मेंढे, शैलेश सवईथुल, अशोक गोवर्धन, आशिष शेंडे, मिताश सवाईथुल, अर्णव सवाईथुल, रंजना मेश्राम, सुजाता अंबादे यांच्यासह उपासक उपासिका मोठ्या संख्येनी उपस्थित होते.
