नागपूर :-नुकत्याच झालेल्या नागपूर विद्यापीठाच्या आंतर महाविद्यालयीन बॉक्सिंग स्पर्धेमध्ये इंदिरा गांधी शारीरिक शिक्षण महाविद्यालय, हनुमान नगर, नागपूर या महाविद्यालयातील बी.पी.एड.-द्वितीय वर्षाचा विद्यार्थी निशांत यादव याने 80 ते 86 किलो वजन गटामध्ये सुवर्णपदक प्राप्त करून नागपूर विद्यापीठाच्या संघात आपले नाव पक्के केले. पुढील महिन्यात दि. 02/01/2022 पासून रोहतक येथे सुरू होणार्या अखिल भारतीय बॉक्सिंग स्पर्धेमध्ये निशांत यादव भाग घेणार आहे.
महाविद्यालयात आयोजित सत्कार समारंभात संस्थेचे संस्थापक अरूण जोशी यांनी पुष्पगुच्छ व ट्रॅक शुट देऊन निशांत यादव याचा सत्कार केला व त्याला पुढील वाटचालीकरीता शुभेच्छा दिल्या. यावेळी महाविद्यालयाचे प्राचार्य डॉ. जयदीप घोष, डॉ. बाबुलाल धोत्रे, डॉ. दत्तात्रय करांगळे, डॉ. रमेश बन्सोड प्रामुख्याने उपस्थित होते. कार्यक्रमास मोठ्या संख्येने विद्यार्थी वर्ग उपस्थित होता.