– 10 जुलै रोजी गोंडवाना विद्यापीठात आयोजन
गडचिरोली :- जिल्हा कौशल्य विकास विभाग आणि गोंडवाना विद्यापीठ यांच्या संयुक्त विद्यमाने 10 जुलै 2024 रोजी गोंडवाना विद्यापीठ येथे सकाळी 11 वाजता पंडित दिनदयाल उपाध्याय रोजगार व स्वयंरोजगार मेळावा आयोजित करण्यात आला आहे.
सदर रोजगार मेळाव्यामध्ये कंपन्या, महामंडळे उपस्थित राहणार आहेत. तरी रोजगार मेळाव्याचा लाभ घेण्यास इच्छूक उमेदवारांनी स्वत:चा बायोडाटा, आधार कार्ड, शैक्षणिक प्रमाणपत्रांच्या झेराक्स सह स्वखर्चाने दि. 10 जुलै 2024 रोजी गोंडवाना विद्यापीठ गडचिरोली येथे उपस्थित राहावे. अधिक माहितीकरिता जिल्हा कौशल्य विकास, रोजगार व उद्योजकता मार्गदर्शन केंद्र या कार्यालयाशी प्रत्यक्ष अथवा दुरध्वनी क्र.07132-222368 यावर संपर्क करावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त यांनी केले आहे.
