नागपूर :- गुन्हेशाखा युनिट क. १ चे अधिकारी व अंमलदार हे गुन्हेगाराचे शोधात पेट्रोलींग करीत असतांना, त्यांनी मिळालेल्या माहीतीवरून पोलीस ठाणे प्रताप नगर, हद्दीत गणेश कॉलोनी जवळील मैदान, पाण्याचे टाकी जवळ, सार्वजनिक ठिकाणी रेड कारवाई केली असता, आरोपी राकेश रमेश गदिवार, वय ३७ वर्षे, रा. श्यामनगर झोपडपट्टी, प्रतापनगर, नागपुर हा हातात एक लोखंडी कोयता घेवुन धुमधाम करताना दिसुन आला. त्यास ताब्यात घेवून त्याचे हातातील कोयता किंमती अंदाजे २००/- रु. चा जप्त केला. आरोपीचा अभिलेख तपासला असता, आरोपीला मा. पोलीस उप आयुक्त परि क. १ यांनी हद्दपार आदेश क्रमांक १४/२०२२ दिनांक १७.०७.२०२२ अन्वये ०२ वर्षाकरीता नागपुर शहरातुन हद्दपार केले असल्याचे दिसुन आले.
आरोपी हा हद्दपार असतांना सुध्दा घटनास्थळी कोणतातरी दखलपात्र गुन्हा करण्याचे उद्देशाने शस्त्रासह समक्ष मिळुन आल्याने तसेच, त्याने मा. सह पोलीस आयुक्त, नागपुर शहर यांचे शस्त्र मनाई आदेशाचे उल्लंघन केल्याने, पोलीस ठाणे प्रतापनगर येथे आरोपीविरूध्द कलम ४/२५ भा.ह.का., सहकलम १३५, १४२ म.पो.का. अन्वये गुन्हा दाखल करून, आरोपीस अटक केली आहे. पुढील तपास सुरू आहे. वरील कामगिरी मा. पोलीस उप आयुक्त (डिटेक्शन), सहा पोलीस आयुक्त (गुन्हेशाखा) यांचे मार्गदर्शनाखाली गुन्हेशाखा युनिट क. १ चे अधिकारी व अंमलदार यांनी केली.
