नागपुर :- दिवाळीनिमित्ताने बाहेरगावी गेलेल्या कुटुंबियांकडे चोरट्यांनी बंद घराचा कुलूप कोंडा तोडून आत प्रवेश करत दागीन्यांसह रोख अशा ९४ हजाराच्या ऐवजावर हात साफ केला. ही घटना एमआयडीसी पोलिस ठाण्याच्या हद्दीत उघडकीस आली. याप्रकरणी पोलिसांनी अज्ञात चोरट्यांविरुध्द गुन्ह्याची नोंद केली आहे.
प्राप्त माहितीनुसार एमआयडीसी परिसरातील गणेश कॉलोनी गोविंदराव हाईट्स – फ्लॅट क्र. २०१ येथे किरायाने राहणारे दौलत विनायकराव पतंगे (वय ३०) हे ११ नोव्हेंबर रोजी आपल्या घराला कुलूप लाऊन दिवाळीनिमित्ताने बाहेरगावी गेले होते. या संधीचा फायदा घेत अज्ञात चोरट्यांनी ११ ते १३ नोव्हेंबरच्या दरम्यान पतंगे यांच्या बंद घराचा कुलूप कोंडा तोडून आत प्रवेश करत आलमारीतून दागीन्यांसह रोख १५ हजार असा ९४ हजार २०० रुपयांचा ऐवज चोरून नेला.