– पोलीस स्टेशन भिवापूरची कारवाई
भिवापूर :- पो.स्टे. भिवापूर हद्दीत स्टाफ पेट्रोलिंग व वाहतूक केसेस करीत असताना गोंडवोरी ते पेंढरी गावाचे डांबरी रोडवर १० चक्का टिप्पर ट्रक क्र. MH-40/BI.-7445 येतांना दिसला, त्याचा पाठलाग करून गोडबोरी गावाजवळ येथे थांबवून पाहणी केली असता त्यामध्ये अंदाजे ०६ ग्रास रेती मिळून आल्याने सदर ट्रक चालकास ट्रक मधील रेतीचे रॉयल्टी बाबत विचारले असता त्याने रॉयल्टी नसल्याचे सांगितल्याने व सदरची रेती ही चोरीची असल्याची खात्री झाल्याने टिप्पर ट्रक क्र. MH-40/BL-7445 किंमती २५,००,०००/- व त्यामध्ये ०६ ब्रास रेती किंमती ३०,०००/-रू. असा एकूण २५,३०,०००/- रू.या मुद्देमाल जप्त करून सदर टिप्पर चालक/मालक नामे राकेश रमेश गेडाम, वय ३५ वर्ष, रा. तास भिवापूर यांचेविरुद्ध कलम ३७९ भा. द. वी. सहकलम ४८ (७),४८(८) महा. ज. म. स. सहकलम ४, २१ खाणी आणि खनिजे अघी १९५७ सहकलम ३ सार्वजनिक मालमत्तेचे नुकसान प्रतिबंधक अधि. १९८४ अन्वये पो. स्टे. भिवापूर येथे गुन्हा नोंद करण्यात आलेला आहे.
सदरची कार्यवाही पोलीस अधीक्षक नागपूर ग्रामीण हर्ष ए. पोहार, अपर पोलीस अधीक्षक , नागपूर ग्रा. डॉ. संदिप पखाले, उपविभागीय पोलीस अधिकारी उमरेड विभाग यांचे मार्गदर्शनाखाली ठाणेदार सहायक पोलीस निरीक्षक प्रमोद चौधरी, पी. एस. आय. सदमेक, पोलीस हवालदार त्रिपाठी, आनंद धात्रक, पोलीस अंमलदार सूरज हिवरकर, चालक पोलीस अंमलदार सोरते यांनी केली.
