संदीप कांबळे, विशेष प्रतिनिधी
कामठी :- कामठी रेल्वे स्टेशन हद्दीत येणाऱ्या रमानगर रेल्वे फाटक रेल्वे मार्ग किलोमीटर क्र 1111/17 हुन भरधाव अज्ञात धावत्या रेल्वेगाडीच्या धडकेने एका अविवाहित तरुणाचा जागीच मृत्यू झाल्याची घटना गतरात्री 9 दरम्यान घडली असून मृतक तरुणाचे नाव विनय तुलसीदास हुमने वय 38 वर्षे रा येरखेडा कामठी असे आहे.
घटनेची माहिती मिळताच रेल्वे पोलिसांनी त्वरित घटनास्थळ गाठून घटनास्थळाचा पंचनामा करीत मृतदेह शवविच्छेदनार्थ नजीकच्या शासकीय उपजिल्हा रुग्णालयात हलवून मृतकाच्या पार्थिवावर शवविच्छेदन करण्यात आले.पोलिसांनी तूर्तास घटनेची नोंद केली असून पुढील तपास सुरू आहे.