संदीप कांबळे, विशेष प्रतिनिधी
कामठी :- स्थानिक कामठी रेल्वे स्टेशन हद्दीत येणाऱ्या रमानगर रेल्वे फाटक मार्गे नागपूर हुन गोंदीयाकडे भरधाव वेगाने जात असलेल्या रेल्वेगाडीतील एका अविवाहित प्रवासी तरुणाचा तोल जाऊन रेल्वे गाडीखाली पडल्याने घडलेल्या गंभीर अपघातात सदर तरुणाचा जागीच मृत्यू झाल्याची दुर्दैवी घटना दुपारी साडे बारा दरम्यान घडली असून मृतक तरुणाचे नाव राजू धोंगडे वय 36 वर्षे रा लालगंज नागपूर असे आहे.
घटनेची माहिती मिळताच रेल्वे पोलिसांनी त्वरित घटनास्थळ गाठून घटनास्थळाचा पंचनामा करीत मृतदेह ताब्यात घेत मृतदेहाच्या पार्थिवावर शवविच्छेदन करण्यात आले.पोलिसांनी सदर घटनेची नोंद केली असून मृतकाच्या पाठीमागे आई,सात भाऊ व एक बहिण असा आप्तपरिवार आहे.
