नागपूर :- राष्ट्रीय मतदार दिवसाचे अनुषंगाने आज सकाळी वसंतराव नाईक शासकीय विद्यालय येथून स्विप अंतर्गत जिल्हाधिकारी तथा जिल्हा निवडणूक अधिकारी कार्यालय, वर्शिप अर्थ फाऊंडेशन, राजीव स्पोर्टस् फाऊंडेशन व राष्ट्रीय सेवा योजनेच्या संयुक्त विद्यमाने महाविद्यालयीन विद्यार्थ्यांनी भव्य रॅलीचे आयोजन करण्यात आले.
या रॅलीत सुमारे 700 महाविद्यालयीन विद्यार्थ्यांनी स्वयंस्पूर्त सहभाग नोंदविला. ही रॅली वसंतराव नाईक कॉलेज येथून सुरु करण्यात आली पुढे झिरो मॉईल, मेट्रो स्टेशन, शासकीय विज्ञान संस्था, आकाशवाणी चौक, विधानभवन, संविधान चौकातून वसंतराव नाईक महाविद्यालयात परत आली.
वसंतराव नाईक महाविद्यालयाचे संचालक कुंभारे, राजीव फाऊंडेशनचे समन्वयक संदीप धोटे, अर्थ फाऊंडेशनचे अध्यक्ष संजय दुबे उपस्थित होते. रॅलीचे नियोजन व व्यवस्थापन निवडणूक कार्यालयाचे तहसीलदार वैशाली, नायब तहसीलदार रणजीत दुसावार यांनी केले.
