संदीप कांबळे, विशेष प्रतिनिधी
कामठी :- स्थानिक नवीन कामठी पोलीस स्टेशन हद्दीत येणाऱ्या कामठी नागपूर रोड वरील एका प्रसिद्ध नामवंत खाजगी रुग्णालयात जवळपास 5 फूट लांबीचा कोब्रा प्रजातीचा नाग रुग्णालयातील एका रुग्णाच्या पलंगाखाली आढळल्याने सर्वत्र खळबळ झाल्याची घटना मध्यरात्री 3 दरम्यान घडली .
जीवघेणा कोब्रा नाग रुग्णालयात दिसल्यास सर्वत्र भीतीमय वातावरण पसरले होते दरम्यान जीव वाचवण्याच्या बेतात या नागाची जीवितहानी न व्हावी यासाठी सर्पमित्रांना बोलावण्यात आले.सर्पमित्रणे सदर नागाला ताब्यात घेतले त्यानंतर रुग्णालयात मोकळा श्वास घेण्यात आला.
