संदीप कांबळे, विशेष प्रतिनिधी
कामठी :- स्थानिक जुनी कामठी पोलिस स्टेशन हद्दीत येणाऱ्या कामठी हुन कन्हान कडे कमसरी बाजार मार्गे दगडी कोळस्याने लादून भरलेल्या सोळा चाकी ट्रक टिप्परला अचानक आग लागल्याची घटना आज दुपारी 3 वाजता घडली.वेळीच ट्रक चालकाने ट्रक मधून खाली उतरण्यात यश गाठल्याने जीवितहानी टळली.
पोलिसांनी दिलेल्या माहितीनुसार सदर घटनास्थळ मार्गे पिवळ्या रंगाच्या 16 चाकी टिप्पर ट्रक क्र एम एच 40 ए के 5146 जात असता ट्रक च्या कॅबिन मध्ये अचानक आग लागली .व ट्रक ने पेट घेतला.घटनेची माहिती मिळताच पोलिस निरीक्षक प्रशांत जुमडे व सहकारी पोलीस कर्मचारी यांनी त्वरित घटनास्थळ गाठून कामठी व कन्हान च्या अग्निशमन वाहने बोलावून आग आटोक्यात आणण्यात यश गाठले.
