– पोलीस स्टेशन भिवापूरची कारवाई
भिवापूर :- अंतर्गत २० कि.मी. अंतरावरील मौजा मालेवाडा फाटा येथे दिनांक २४/०९/२०२३ मे १४.३० या दरम्यान पोलीस स्टेशन भिवापूर येथील स्टाफ यांना मुखबिरव्दारे खबर मिळाली की, पोलिस ठाणे भिवापूर हद्दीतील मौजा मालेवाडा फाटा येथे अवैधरीत्या विनापरवाना रेतीची टिप्पर व्दारे चोरटी वाहतुक होत आहे. अशा मिळालेल्या गुप्त माहितीवरून मौजा मालेवाडा फाटा येथे पोलीस स्टेशन भिवापूर येथील पोलिस स्टाफ यांनी नमुद घटनास्थळी जावून चेक केले असता टिप्पर क्र. एम. एच. ४० वी एल ४७१८ या चालक आरोपी चालक राहुल रमेश खेरवार, वय २६ वर्षे, रा. सेनापती नगर दिघोरी नागपुर हा भिस्सी कडुन टिप्पर मध्ये विनापरवाना रेती भरून भिवापुर मार्गे राष्ट्रीय महामार्ग क्र. ३५३ ई रोडने नागपूरकडे जात असता त्यास परवाना विचारले असता त्याने परवाना सादर केला नाही. त्यावर सदर आरोपी हा त्याचे ताब्यातील स्वतः चे वाहनात शासनाचे ताब्यातील अंदाजे ०६ ब्रास रेती किंमती ३००००/- रूपयाचा मुद्देमाल एक पांढर्या निळया रंगाचे १० चक्का टिप्पर क्र. एम. एच. ४० बी एल – ४७१८ किंमती २०,००,०००/- रू. टिप्पर मध्ये भरून असलेले ०६ ब्रास रेती प्रत्येकी ५,०००/- रु बास प्रमाणे एकुण किंमती ३०,००० /- रु. असा एकूण २०,३०,००० रूपयाचा मुद्देमाल जप्त केला. सदर प्रकरणी फिर्यादी यांच्या रिपोर्टवरून पो.स्टे. भिवापूर येथे आरोपीविरुध्द कलम ३७९ भादंवि कायद्यान्वये गुन्हा नोंद केला आहे. गुन्हयाचा पुढील तपास सर्फो / १२७० अशोकसिंग ठाकुर वय ५१ वर्षे पोस्टे भिवापुर हे करीत आहे.