नागपूर :- स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने गुरुवार (ता.06) 6 प्रतिष्ठानांवर कारवाई करून 50 हजार रुपयांचा दंड वसूल केला.
धरमपेठ झोनच्या उपद्रव शोध पथकाद्वारे मे. एशियन किडनी हॉस्पीटल, धरमपेठ, नागपूर व मे. प्रकृती हॉस्पीटल, दाभा रिंग रोड, नागपूर यांच्यावर सामान्य कचऱ्यासह जैव कचरा आढळून आल्याबद्दल कारवाई करून प्रत्येकी 10 हजार रुपयांचा दंड वसूल करण्यात आला.तसेच ड्रिम ओरा, गांधीनगर, नागपूर यांच्यावर रस्त्यालगत बांधकाम साहित्य पसरविल्याबद्दल कारवाई करून 10 हजार रुपयांचा दंड वसूल करण्यात आला.
धंतोली झोनच्या उपद्रव शोध पथकाद्वारे मे. ऐ. के. गांधी इलेक्ट्रीकल, उंटखाना चौक, नागपूर यांच्यावर दुकानातील कचरा मोठ्या प्रमाणात रस्त्यालगत पसरविल्याबद्दल कारवाई करून 5 हजार रुपयांचा दंड वसूल करण्यात आला. तसेच बालाजी भोजनालय, एस.टी. बस स्टँड जवळ, गणेशपेठ, नागपूर यांच्यावर रेस्टॉरंटच्या सांडपाण्याद्वारे चेंबर ब्लॉकेज होत असल्याबद्दल कारवाई करून 5 हजार रुपयांचा दंड वसूल करण्यात आला.लकडगंज झोनच्या उपद्रव शोध पथकाद्वारे मे. मोहिनी दृष्टी डेव्हलपर्स प्रा. लि. सुर्या नगर, नागपूर यांच्यावर रस्त्यालगत बांधकाम साहित्य पसरविल्याबद्दल कारवाई करून 10 हजार रुपयांचा दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
