संदीप कांबळे, विशेष प्रतिनिधी
कन्हान :- नुकत्याच उच्च प्राथमिक शाळा खंडाळा (घटाटे) येथे कन्हान केंद्राच्या केंद्रस्तरीय शालेय क्रिडा स्पर्धा व सांस्कृतिक महोत्सव पार पडला. स्पर्धेत कन्हान केंद्रातील ११ शाळांनी कबड्डी, खो-खो, लंगडी, वैयक्तिक खेळ व सांस्कृतिक स्पर्धेत सहभाग नोंदविला.
स्पर्धेचे उद्घाटन व्यंकटराव कारेमोरे सदस्य जिल्हा परिषद नागपुर यांनी केले. यावेळी कार्यक्रमा च्या अध्यक्ष म्हणुन सरपंच विमल बोरकुटे तर प्रमुख अतिथी म्हणुन उपसरपंच चेतन कुंभलकर, ग्राम पंचायत सदस्य रविंद्र केने, शाळा व्यवस्थापन समिती चे अध्यक्ष प्रभाकर मेश्राम उपस्थित होते. स्पर्धेत समा रोपीय कार्यक्रमात विजेत्या संघाना बक्षीस वितरण करण्यात आले. कार्यक्रमाचे प्रास्ताविक केंद्रप्रमुख लता माळोदे यांनी तर संचालन श्वेता वालोंद्रे यांनी आणि वसंत मेश्राम यांनी आभार प्रदर्शन केले. स्पर्धे च्या यशस्वितेसाठी वसंत मेश्राम, धनराज बोडे, वंदना बंड, अरूना कोकोडे, सुरेखा दुधे, अशोक डोंगरे, सिता राम मदनकर व खंडाळा येथील ग्रामस्थ यांनी परिश्रम घेतले.
