कोदामेंढी :- येथून जवळच असलेल्या भांडेवाडी गट .ग्रा.पं.अंतर्गत भांडेवाडी, शिवाडौली, सावंगी व खापरखेडा (जंगली) या चार गावांचा समावेश आहे .दोन वर्षांपूर्वी शिवाडौली येथील बेरडेपार गावाला जाणारा नाल्यावरील पुलिया तर एक वर्षापुवी सावंगी येथील बंधारा पावसाच्या पाण्याने फुटला.त्यांच्या दुरुस्तीसाठी संबंधित विभाग व लोकप्रतिनिधी कडे ग्रा.पं.ठराव व निवेदने दिली .
संबंधित विभागांचे अभियंते मडावि व पंधरे हे स्थिति पाहुन गेले मात्र अजूनही दुरुस्ती करण्यांत आलेली नाही .दुरुस्ती अभावी शिवाडौली व सावंगी येथील शेतकरी व नागरीक त्रस्त आहेत. तरी संबंधित पुल व बंधारा दुरुस्त करण्याची मागणी सरपंच दामोधर वघारे सह शिवाडौली व सावंगी येथील समस्त शेतकरी व ग्रामवासी यांनी केली आहे.
