संदीप कांबळे,विशेष प्रतिनिधी 

कामठी ता प्र 30 :- स्थानिक नवीन कामठी पोलीस स्टेशन हद्दीत येणाऱ्या रमानगर येथे गुप्तचर पद्धतीने सुरू असलेल्या जुगार अड्यावर धाड घालण्यात नवीन कामठी पोलिसांना गतरात्री 11 वाजता यशप्राप्त झाले असून या धाडीतून 10 जुगाऱ्याना ताब्यात घेत 52 तास पत्ते किमती 30 रुपये , नगदी फक्त 2000 रुपये व पाच मोबाईल असा एकूण 44 हजार 160 रुपयांचा मुद्देमाल जप्त करण्यात आला.

गुन्हा दाखल केलेल्या या दहा जुगाऱ्यात संजय नांदेश्वर वय 53 वर्षे रा रमानगर, स्वप्नील गेडाम वय 29 वर्षे रा जयभीम चौक कामठी ,राजेंद्र फुले वय 59 वर्षे रा रमानगर,सुजल गोलाईत वय 19 वर्षे ,राकेश गोरखेडे वय 40 वर्षे, सुबोध विकास रंगारी वय 22 वर्षे ,रमेश वैद्य वय 60 वर्षे ,मनोज बांबोर्डे वय 40 वर्षे, प्रतीक देशभ्रतार वय 35 वर्षे ,संजीव बोरकर वय 33 वर्षे सर्व रा रमानगर कामठी असे आहे.