पारशिवनी :- दिनांक ०९/११/२०२० ते २२/२४ वा. दरम्यान फिर्यादी नामे सरकारतर्फे पोना/५७९ मनीराम नेवारे पो.स्टे. पारशिवनी यांच्या रिपोर्ट वरुन पो.स्टे. पारशिवनी येथे अप, क्र. २८५/२० कलम ३०४,२०१ भादवि कायद्यान्वये गुन्हा नोंद झालेला होता.
दिनांक १२/१०/२०२० चे ०९/०० वा. दरम्यान यातील आरोपी नामे बापुराव गणपत मिसार वय ६९ वर्ष रा. कोंढासावळी याने आपले शेतात कोंबडयाचा कुटाराचे संरक्षणाकरीता जाळीचे कंपाउंड लावुन त्या कंपाऊंड जवळ लाकडी खुटया गाडुन त्या खुटयाला लोखंडी बारीक तार बांधुन त्या तारेला इलेक्ट्रीक करंट लावुन ठेवले असता घटना तारीख वेळी यातील मृतक नामे प्रदीप रामराव बावने वय २८ वर्ष रा. कोंढासावळी हा आरोपीच्या शेताकडे गेला असता मृतकास इलेक्ट्रीक तारेवा करंट लागल्याने जागीच मरण पावला,
सदर प्रकरणाचे तपास पोउपनि विनायक नागुलवार यांनी करून सदर प्रकरण न्याय प्रविष्ठाकरीता मा. न्यायमुर्ती आर आर भोसले, जिल्हा व सत्र न्यायालय १० नागपूर कोर्टामध्ये सादर केले, आज दिंनाक १०/०१/२०२४ रोजी मा. न्यायमुर्ती आर आर भोसले, जिल्हा व सत्र न्यायालय १० नागपूर यांनी वरील नमुद आरोपीस कलम ३०४ (भाग २) मध्ये ०३ वर्ग सश्रम कारावास तसेच १,२०,०००/- रू दंड. दंड न भरल्यास ०१ वर्ष सश्रम कारावास तसेच कलम २०१ भादवि मध्ये ०३ वर्ष सश्रम कारावास व १०,०००/- रू दंड, दंड न भरल्यास ०१ वर्ग साधा कारावास अशी शिक्षा ठोठावली आहे.
सरकारने वतीने एपीपी शेंदरे सो. यांनी काम पाहीले. कोर्ट कामात पैरवी अंमलदार म्हणुन मपोहवा स्मिता मोहनकर पो.स्टे. पारशिवनी यांनी मदत केली आहे.
