नागपूर : विभागीय महिला व बाल विकास विभागाच्या अधिनस्त कार्यरत शासकीय व स्वयंसेवी बाल विकास संस्था मधील अनाथ, निराधार बालकांच्या सुप्त गुणांना वाव देवून त्यांच्यात एकमेकांविषयी बंधुभाव व सांघिक भावना निर्माण होण्यासाठी चाचा नेहरू बाल क्रीडा व सांस्कृतिक महोत्सवाचे आयोजन 1 ते 3 फेब्रुवारी 2023 या कालावधीत ग्रामीण पोलिस मुख्यालय नारी रोड येथे करण्यात आले आहे.
बाल महोत्सवाचे उद्घाटन नागपूर ग्रामीणचे पोलिस अधीक्षक विशाल आनंद यांच्या हस्ते दिनांक 1 फेब्रुवारी रोजी सकाळी 11 वाजता होणार आहे. या महोत्सवामध्ये सांस्कृतिक व मनोरंजनात्मक कार्यक्रमासह विविध क्रीडा प्रकाराचे आयोजन करण्यात आले आहे, असे महिला व बाल विकास विभागाच्या विभागीय उपआयुक्त ए.जे.कोल्हे यांनी कळविले आहे.