– भाजपा प्रदेशाध्यक्ष चंद्रशेखर बावनकुळे दाखविणार हिरवी झेंडी
नागपूर :- श्री. सिद्धिविनायक सेवा फाउंडेशनद्वारा संचालित गंगाधरराव फडणवीस मेमोरियल डायग्नोस्टिक सेंटर ‘फिरता दवाखाना’चे उद्या बुधवारी 24 जुलै रोजी सकाळी 9 वाजता लोकार्पण होणार आहे. सिव्हिल लाईन्स येथील ‘रामगिरी’ येथे भारतीय जनता पक्षाचे प्रदेशाध्यक्ष चंद्रशेखर बावनकुळे हे ‘फिरता दवाखाना’ला हिरवी झेंडी दाखवतील.
विविध भागांमध्ये जाऊन गरजूंना आरोग्य सेवा देण्यासाठी गंगाधरराव फडणवीस मेमोरियल डायग्नोस्टिक सेंटर ‘फिरता दवाखाना’ची श्री सिद्धिविनायक सेवा फाउंडेशनद्वारे सुरुवात करण्यात येत आहे. या कार्यक्रमाला जास्तीत जास्त नागरिकांनी उपस्थित राहावे, असे आवाहन माजी महापौर, सिद्धिविनायक सेवा फाउंडेशनचे अध्यक्ष संदीप जोशी यांनी केले आहे.
