संदीप कांबळे, कामठी
-तहसिलदार अक्षय पोयाम यांना सामूहिक निवेदन सादर
कामठी ता प्र 4:-अव्वल कारकून , मंडळ अधिकारी संवर्गातून नायब तहसीलदार संवर्गात पदोन्नती मागील दोन वर्षांपासून होत नसल्याने तसेच महसूल सहाय्यकाचे रिक्त पदे भरण्यात येत नसल्याने मंत्रालय स्तरावर अव्वल कारकून संवर्गातील पदोन्नतीचे प्रलंबित असलेले प्रस्ताव विभाग निहाय मान्यता देऊन नायब तहसिलदार पदी पदोन्नतीचे आदेश तात्काळ काढावेत, महसुल सहाययकाची रिक्त पदे तातडीने भरावीत या मागणीसाठी आज महाराष्ट्र राज्य महसूल कर्मचारी संघटनेने आज 4 एप्रिल पासून बेमुद्दत राज्यस्तरीय आंदोलन पुकारले असून या आंदोलनाला कामठी तहसील कार्यालयातील महसूल कर्मचाऱ्यांनी सहभाग नोंदवित बेमुद्दत आंदोलन करीत असल्याचे सामूहिक निवेदन तहसिलदार अक्षय पोयाम यांना देण्यात आले.
याप्रसंगी महसुल कर्मचारी संघटनेतील अव्वल कारकून एस जी चन्द्रीकापुरे, माधुरी उईके,नितीन , ज्योती गोरलेवार,गजेंद्र वंजारी आदी उपस्थित होते.
