नागपूर :- अंबाझरी येथील डॉक्टर बाबासाहेब आंबेडकरांचे ऐतिहासिक स्मारक शासनाने षडयंत्रपूर्वक जमीनदोस्त केले. त्याच जागेवर 20 एकर परिसरात शासनाने डॉक्टर आंबेडकर स्मारक बांधावे यासाठी दिनांक 27 सप्टेंबर 22 रोजी बहुजन समाज पार्टीने शासनास दिलेल्या आक्षेप व निवेदनाची सुनावणी 23 नोव्हेंबर रोजी दुपारी 12 वाजता विभागीय आयुक्त कार्यालयातील नगररचना विभागात होणार आहे.
बसपाच्या वतीने जिल्हाध्यक्ष संदीप मेश्राम, उपाध्यक्ष अमित सिंग, मीडिया प्रभारी उत्तम शेवडे, युवा नेते चंद्रशेखर कांबळे, सदानंद जामगडे, प्रवीण पाटील यांच्या सहीचे निवेदन यापूर्वीच देण्यात आलेले आहे. यावेळी 23 ते 25 नोव्हेंबर च्या दरम्यान दररोज 15 संघटना व त्यांच्या प्रतिनिधीची सुनावणी होणार आहे. या सुनावणीसाठी बसपाचे पदाधिकारी, कार्यकर्ते व हितचिंतक म्हणून उपस्थित राहून शासनाच्या मनुवादी धोरणाचा निषेध नोंदवावा.
