यवतमाळ :- दिव्यांग कल्याण आयुक्तालय व जिल्हा परिषद, सांगली अंतर्गत कार्यरत मिरज येथील शासकीय प्रौढ दिव्यांग प्रशिक्षण केंद्र व वसतिगृह ही संस्था प्रौढ दिव्यांगासाठी मोफत प्रशिक्षण देणारी शासकीय संस्था आहे. या संस्थेतील प्रशिक्षण वर्गांना महाराष्ट्र राज्य कौशल्य व्यवसाय शिक्षण व प्रशिक्षण मंडळाची मान्यता आहे. या संस्थेत चालू शैक्षणिक वर्षाकरीता मोफत प्रवेशासाठी अर्ज करण्याचे आवाहन करण्यात आले आहे.
![](https://newstoday24x7.com/wp-content/uploads/2024/08/dggds.jpg)
या संस्थेतील सर्टिफिकेट इन कॉम्युटर ऑपरेशन वुईथ एम.एस. ऑफिस (संगणक कोर्स) या अभ्यासक्रमासाठी शैक्षणिक पात्रता किमान इयत्ता 8 वी पास, मोटार अॅन्ड आमेंचर वायडींग, सबमर्सिबल पंप सिंगल फेज, (इलेक्ट्रीक कोर्स) या अभ्यासक्रमासाठी विद्यार्थी किमान ९ वी पास असणे आवश्यक आहे. वयोमर्यादा 16 ते 40 वर्ष असावी. प्रशिक्षण कालावधी 1 वर्षाचा असून फक्त दिव्यांग विद्यार्थ्यांना संस्तेत प्रवेश देण्यात येणार आहे.
प्रशिक्षण कालावधीत राहण्याची, जेवणाची व प्रशिक्षणाची मोफत सोय, अद्यावत व परीपूर्ण संगणक कार्यशाळा, भरपूर प्रॅक्टीकल्स व व्यवसायाभिमुख मोफत प्रशिक्षण, नेटवर्कींग व इंटरनेटची सुविधा, अनुभवी व तज्ञ निदेशक, उज्वल यशाची परंपरा, समाज कल्याण विभागाकडून स्वयंरोजगारासाठी व्यवसायासाठी बीज भांडवल योजना इत्यादी सोई व सवलती आहे.
![](https://newstoday24x7.com/wp-content/uploads/2024/03/Dphysiiocare-2.jpeg)
प्रवेश अर्ज व माहितीपत्रक अधिक्षक, शासकीय प्रौढ दिव्यांग प्रशिक्षण केंद्र व वसतिगृह, टाकळी रोड, म्हेत्रे मळा, गोदड मळ्याजवळ मिरज, जिल्हा सांगली येथे उपलब्ध आहे. अधिक माहिती 0233-2222908, 9922577561, 9595667936 नंबरवर सुध्द उपलब्ध आहे. प्रवेश अर्ज व माहितीपत्रक पोस्टाद्वारे किंवा समक्ष मोफत मिळतील. प्रवेशासाठी कोणतीही फी आकारली जाणार नाही. प्रवेश अर्ज पुर्णपणे भरुन फोटोसह संस्थेकडे पाठवावेत किंवा समक्ष भरुन द्यावेत.
प्रवेश अर्जासोबत शाळा सोडल्याचा दाखला, एसएससी मार्कशिट व प्रमाणपत्र, अपंगत्वाचे प्रमाणपत्र, आधारकार्ड, युडीआयडी कार्ड, अधिवास प्रमाणपत्र व उत्पन्नाचा दाखल्याच्या झेरॅाक्स प्रती जोडाव्यात. प्रवेश अर्ज संस्थेकडे प्राप्त झाल्यानंतर तज्ञ समितीद्वारे मुलाखती घेऊन प्रवेश देण्यात येणार असल्याचे शासकीय पौढ अपंग प्रशिक्षण केंद्र व वसतिगृहाचे अधिक्षकांनी कळविले आहे.