– राजश्री पाटीलच्या प्रचार सभेला उत्स्फुर्त प्रतिसाद
यवतमाळ :- दिग्रस तालुक्यातील सिंगद येथे राजश्री पाटील यांच्या प्रचारार्थ प्रचार सभेचे आयोजन करण्यात आले होते. यवतमाळ वाशिम लोकसभा क्षेत्राला राजश्री पाटील यांच्यासारख्या उच्चशिक्षीत, अभ्यासु आणि दुरदृष्टी असलेल्या उमेदवार मिळाल्याने मतदारांनी समाधान व्यक्त केले. यावेळी सिंगद वासियांनी राजश्री पाटील यांच्या पाठीशी भक्कमपणे उभे राहण्याचे आणि पुन्हा एकदा मोदी सरकार निवडुन आणण्याचा निर्धार केला.
लोकसभा निवडणुक ऐन भरात आली आहे. उमेदवारांकडुन जोरकस प्रचार करण्यात येत आहे. अशात काल दि. १६ रोजी महायुतीच्या उमेदवार राजश्री पाटील यांची दिग्रस तालुक्यातील सिंगद येथे प्रचार सभा आयोजीत करण्यात आली होती. यावेळी मतदारांशी संवाद साधतांना राजश्री पाटील यांनी यवतमाळ वाशिम लोकसभा क्षेत्राच्या विकासाचे व्हिजन मतदारांसमोर ठेवले.
मोदीच्या नेर्तत्वात मतदारसंघात मोठया प्रमाणात विकासकामे खेचून आणण्याचा मानस राजश्री पाटील यांनी बोलून दाखविला. याचबरोबर विकसीत भारतासाठी पंतप्रधान नरेंद्र मोदी यांचे हात बळकट करण्याचे आवाहन मतदारांना केले. यावेळी महायुतीचे नेते पालकमंत्री ना. संजय राठोड यांनी राज्य आणि केंद्र सरकारने केलेल्या विकासकामांचा पाढाच वाचला. देशाला परम वैभव प्राप्त करून देण्यासाठी महायुतीला साथ द्या, असे आवााहन केले.
प्रचार सभेला भाजपा जिल्हाध्यक्ष महादेव सुपारे, रिपाईचे महेंद्र मानकर, शिवसेनेचे राजकुमार वानखेडे, सुधीर देशमुख, जेष्ठ नेते राजन मुख्ररे, राष्ट्रवादीचे दौलत नाईक, भाजपाच्या आरती फुपाटे, उमाकांत पापीनवार, भगवानराव आसोले, सदबाराव मोहटे, गणेश वागीरे, दिपक उखळकर यांच्यासह महायुतीचे कार्यकर्ते युवा वर्ग, महीला मंडळ आणि मोठया संख्येने नागरीक उपस्थित होते.
