नागपूर :- नागपूर महानगरपालिकेतर्फे बरडे लेआउट बोरगाव येथे नागरी आरोग्यवर्धिनी केंद्राचे उद्घाटन आज दिनांक 13 /09 / 2023 ला नागपूर महानगरपालिकेचे वैद्यकीय आरोग्य अधिकारी डॉ. नरेंद्र बहिरवार यांच्या हस्ते पार पडले.
मोफत असलेल्या आरोग्य केंद्राचा नागरीकांनी जास्तीत जास्त लाभ घ्यावा व वैद्यकीय चिकित्सक व चमूने पूर्ण तन्मनाने सेवा द्यावी असे मार्गदर्शन डॉ. बहिरवार यांनी याप्रसंगी केले. प्रमुख अतिथि म्हणून मंगळवारी झोनचे सहा. आयुक्त डॉ अजय कुरवाडे, सहा, आरोग्य अधिकारी डॉ. विजय जोशी, कार्यकारी अभियंता गौरीष वासनीक, झोनल वैद्यकीय अधिकारी डॉ. अतिक उर रहमान खान, कनिष्ठ अभियंता दिपक जांभूळकर, प्र. सहा अधिक्षक श्री अजय परसतवार, डॉ. शहबाज, डॉ. संकेत तसेच कर्मचारी व नागरीक मोठ्या प्रमाणात याप्रसंगी उपस्थित होते.
कार्यकमाचे संचलन केंद्र समन्वयक पुरुषोत्तम कळमकर यांनी केले तर आभार डॉ. संकेत यांनी व्यक्त केले.
