नागपूर दि. 28 : नागपूर विभागातील चार लोकसभा मतदासंघात आज झालेल्या उमेदवारी अर्जांच्या छाननीमध्ये एकूण 75 नामनिर्देशनपत्र वैध ठरले आहेत. शनिवार दिनांक 30 मार्च ही नामनिर्देशनपत्र मागे घेण्याची अंतिम तारीख आहे.
![](https://newstoday24x7.com/wp-content/uploads/2024/08/dggds.jpg)
विभागातील पहिल्या टप्प्यासाठी होत असलेल्या निवडणुकीसाठी आज झालेल्या छाननीमध्ये लोकसभा मतदार संघ निहाय वैध ठरलेले नामनिर्देशनपत्र पुढील प्रमाणे आहेत. नागपूर लोकसभा मतदारसंघातून 54 पैकी 26 उमेदवारांचे अर्ज नियमानुसार वैध ठरले.
भंडारा-गोंदिया लोकसभा मतदारसंघातून 22 उमेदवारांचे अर्ज नियमानुसार वैध ठरले. त्यापैकी मान्यताप्राप्त राजकीय पक्षांच्या उमेदवारांचे 3 अर्ज,नोंदणीकृत पण मान्यता नसलेल्या पक्ष्यांच्या उमेदवारांचे 4 अर्ज तर 15 अपक्ष उमेदवारांचे अर्ज वैध ठरले. या लोकसभा मतदारसंघात 40 नामनिर्देशनपत्र दाखल झाले होते.
![](https://newstoday24x7.com/wp-content/uploads/2024/03/Dphysiiocare-2.jpeg)
गडचिरोली-चिमूर मतदार संघातील नामनिर्देशनपत्रांच्या छाननीत या मतदारसंघात दाखल पैकी संपूर्ण 12 अर्ज वैध ठरले. यात अे.बी. फॉर्म नसलेल्या दोन राजकीय पक्षांच्या उमेदवारांचे अर्ज अपक्ष म्हणून वैध ठरवले आहे.
चंद्रपूर लोकसभा मतदार संघातून नामनिर्देशनपत्र छाननी नंतर 15 उमेदवारांचे अर्ज वैध ठरले आहेत. या मतदारसंघात एकूण 36 उमेदवारांनी नामनिर्देशपत्र दाखल केले होते. रामटेक लोकसभा मतदारसंघाची माहिती अप्राप्त आहे.
विभागातील पाचही लोकसभा मतदारसंघासाठी रविवारी 30 मार्च रोजी ही उमेदवारी अर्ज मागे घेण्याची शेवटची तारीख आहे. 19 एप्रिल रोजी मतदान होणार आहे.