नागपूर :- मूळचे यवतमाळकर असलेले मुंबईतील युएनआयचे ज्येष्ठ पत्रकार जयंत माईणकर यांना यंदाचा आचार्य प्र. के. अत्रे पत्रकारिता पुरस्कार जाहीर झाला आहे. त्यांच्यासोबतच निर्माता-दिग्दर्शक केदार शिंदे (कला) आणि लेखिका डॉ. संगीता बर्वे (साहित्य) यांनाही अत्रे पुरस्कार दिला जाणार आहे.
या तीनही पुरस्कारांचे वितरण येत्या 13 जूनला आचार्य अत्रेंच्या 55 व्या स्मृतिदिनी सासवड येथील समारंभात करण्यात येईल, अशी घोषणा पुरंदरचे आचार्य अत्रे विकास प्रतिष्ठान आणि सासवडची महाराष्ट्र साहित्य परिषद यांच्या वतीने अध्यक्ष विजय कोलते यांनी केली आहे.
