काटोल प्रतिनिधि :-दुय्यम निबंधक काटोल कार्यालय येथे नवीन वर्षात पहिला दस्त नोंदविणाऱ्या निर्मला चोपडे व शुभांगी सालोडकर यांचा मा. तहसीलदार अजय चरडे व दुय्यम निबंधक सुधाकर निमजे यांच्या हस्ते सत्कार करण्यात आला.
नोंदणी विभागातर्फे सर्वांना नवीन वर्षाच्या शुभेच्छा देण्यात आल्या. याप्रसंगी रूपेश वाघ, शिवम सुर्यवंशी, मनिष बागडे, निलेश गोडबोले, राजु उमाठे अमोल तागडे व इतर अनेक पक्षकार कार्यालयात उपस्थित होते.
नोंदणी व मुद्रांक विभागाच्या वतीने त्वरित मूळ दस्त परत मिळाल्याबद्दल घेणार शुभांगी सालोडकर यांनी आनंद व्यक्त करुन नोंदणी विभागाचे आभार मानले. नोंदणी विभाग करीत असलेल्या कामाची त्यांनी प्रशंसा केली. तसेच यानंतर घरबसल्या दस्ताची नोंदणी होणार असून त्या योजनेचा लाभ सर्व पक्षकांनी घ्यावा अशी विनंती दुय्यम निबंधक यांनी जनतेला केलेली आहे.
