सावनेर :- पोलीस स्टेशन सावनेर हद्दीतील विश्रांती लॉज नागमंदिर जवळ सावनेर येथे मुलींना वेश्याव्यवसाय करण्यास आणुन वेश्याव्यवसाय सुरु असल्याबाबत गुप्त बातमीदाराकडुन माहीती मिळाल्याने दिनांक १९/१०/२०२४ रोजी सकाळी १०. ०० वा. दरम्यान पोलीस स्टेशन सावनेर येथील स्टॉफ सह विश्रांती लॉज येथे जाऊन रेड केली असता विश्रांती लॉज चालक मालक आरोपी नामे-१) रुपेश उर्फ गोलू राधेशाम छिपा रुविया २) आकाश मोतीलाल खोब्रागडे ३) यश व्यवहारे, अनोळखी ३ इसम यांनी संगनमत करून पिडीत महिलेस पैशाचे आमीष दाखवुन वेश्याव्यवसाय करण्यास एका ठिकाणाहून दुसऱ्या ठिकाणी विश्रांती लॉज सावनेर येथे बोलावून विश्रांती लॉज मधील रुम कुंटणखाना म्हणून वापरण्यास हेतुपुरस्सर परवानगी देवुन पिडीत महिलांना वेश्याव्यवसाय करण्यास प्रवृत केले. आरोपीतांविरुध्द कलम १४३ (१) (एफ), ३(५) बी.एन.एस, ३(२) (ए), ५(१) (क), ५(१) (ग), ५(१) (घ), ६(१) (ख), ७(१) (बी) स्त्रिया व मुली अनैतिक व्यापार प्रतिबंधा अधिनियम १९५६ प्रमाणे गुन्हा दाखल करण्यात आला आहे. यातील आरोपी क्र. १) व २) यांना अटक करण्यात आली आहे.
सदरची कार्यवाही ही हर्ष पोहार पोलीस अधिक्षक नागपुर (ग्रा), रमेश धुमाळ अप्पर पोलीस अधिक्षक नागपुर (ग्रा), अनिल मस्के, सहाय्यक पोलीस अधिक्षक तथा उपविभागीय पोलिस अधिकारी सा. सावनेर विभाग यांचे मार्गदर्शनाखाली पोस्टे सावनेर येथील ठाणेदार पोलीस निरीक्षक उमेश पाटील, सपोनि मंगला मोकासे, पोउपनि दीपक निंबाळक, पोहवा सुरेंद्र वासनिक, सुभाष रूडे, सुनिल तलमले, पोअं, अंकुश मुळे, मपोशि हेमलता, जोत्सना यांनी केली.