संदीप कांबळे, विशेष प्रतिनिधी
ग्रामपंचायत निवडणुकीसाठी प्रशासकीय यंत्रणा सज्ज
कामठी ता प्र 15 :- येत्या 18 डिसेंबर ला होऊ घातलेल्या कामठी तालुक्यातील 27 ग्रामपंचायत च्या थेट जनतेतून सरपंच निवडीसाठी 90 उमेदवार तसेच 93 प्रभागातील 247 सदस्य पदाच्या निवडीसाठी 620 उमेदवार निवडणूक रिंगणात आहेत तर ही निवडणूक 122 मतदान केंद्रावर होणार असून या निवडणुकीसाठी प्रशासकीय यंत्रणा सज्ज झाली आहे तर निवडणूक पूर्व मतदानाची तयारी म्हणून गुरुवार 15 डिसेंबर ला कामठी तहसील कार्यालयात 122 ईव्हीएम मशीन व राखीव 12 असे एकूण 134 मशीनची तपासणी करून सिलिंग करण्यात आली.निवडणूक निर्णय अधिकारी तहसीलदार अक्षय पोयाम यांच्या देखरेखेखाली मशीन सिलिंगची प्रक्रिया करण्यात आली.याप्रसंगी विशेषत्वाने उमेद्वारानीही उपस्थिती दर्शवली होती.
18 डिसेंबर ला होणाऱ्या ग्रा प निवडणुकीसाठी निवडणूक विभागासह प्रशासन सज्ज होऊन निवडणूक कामाला लागले आहेत .तर मतदानाची पूर्व तयारी म्हणून ईव्हीएम मशीन सिलिंग करण्यात येणार असून निवडणूक निर्णय अधिकारी तहसीलदार अक्षय पोयाम यांच्या देखरेखेखाली निवडणूक क्षेत्रीय अधिकारी पर्यवेक्षक सह तालुक्यातील मंडळ अधिकारी , तलाठीनी मशिन सिलिंग चे कामे पाहले यावेळी उमेदवाराची विशेष उपस्थिती होती .मतदानाची प्रक्रिया पारदर्शक पणे पार पाडावी यासाठी निवडणूक विभाग विशेष लक्ष ठेवून आहे