– स्थानिक गुन्हे शाखा नागपूर ग्रामीणची कारवाई
उमरेड :-पोलीस स्टेशन उमरेड अंतर्गत मौजा हेवती शिवार येथे दिनांक १७/०१/२०२४ ने २०.०० वा. ते दि. १८/०१/२०२४ ते १०.०० वा. दरम्यान फिर्यादी नामे- मुकंद गणेशचंद्र सैयहीया यांचे उदासा परिसरात कन्वेयर बनविण्याकरीता लागणारे लोखंडी बेल्टस ३ बाय ५ फुटाच्या लांबी रुंदीच्या वजन प्रत्येकी ४५ किलोच्या ४५ नग प्लेटा प्रत्येकी किंमती अंदाजे १०००/- रू. असा एकुण ४५०००/- रू मुद्देमाल कोणीतरी अज्ञात चोराने चोरी करून नेल्याचे फिर्यादीचे तोंडी रिपोर्ट वरून पोस्टे उमरेड येथे अप क्र. १२/२४ कलम ३७९ भादंवि अन्वये गुन्हा नोंद करण्यात आलेला होता.
सदर गुन्हयाचा समांतर तपास स्थानिक गुन्हे शाखेचे पथक करीत असतांना दि. १८/०१/२०२४ रोजी उमरेड उपविभागात खाजगी वाहनाने बाईक चोरी व मालमत्तेचे गुन्हयातील आरोपीचा शोध करीत असता गोपनीय बातमी व्दारे माहीती मिळाली की टाटा गाडी क्र. MH 31 CQ 3751 या गाडी मध्ये WCL मकरधोकडा येथिल RVR कंस्ट्रक्शन कंपनीचे आवारातून चोरी गेलेल्या लोखंडी प्लेट उदासा येथून गायकवाड याचे कवाडी दुकानातून टाटा एस गाडीतून गाडी क्र. MH 31 CQ 3751 मध्ये लोड करून नागपूरकडे येत आहे. अशी माहिती मिळाल्याने लगेच स्थानिक गुन्हे शाखा येथील पथकाने बंपा टोल नाका येथे नाकाबंदी केली असता मिळालेल्या माहितीनुसार गाडी येतांना दिसल्याने गाडी थांबवून गाडीची तपासणी केली असता गाडी मध्ये पोस्टे उमरेड अप. क्र. १२/२४ कलम ३७९ भादंवि गुन्हयात चोरी गेलेल्या लोखंडी प्लेट दिसून आल्याने आरोपी नामे १) सुभाष महादेव हुमने वय २९ वर्ष रा. नंदनवन झोपडपट्टी नागपुर व आरोपी कवाडी दुकानदार गायकवाड रा. उदासा त्यांना अधिक विचारपुस केली असता त्याच्या ताब्यातील टाटा एस गाडीने WCL मकरचोकडा येथिल RVR कंस्ट्रक्शन कंपनी मध्ये जावून सदरचा गुन्हा केल्याचे सागितले. आरोपींचे ताब्यातून १) ४५ लोखंडी एलेट प्रत्येकी ४५ किलो प्रत्येकी किंमती १०००/-रू. एकूण किंमती ४५०००/-रु. २) इतर कबाडी समान लोखंडी प्लेट अँगल, लोखंडी दरवाजा, लोखंडी साखेळी व मशीनचे पार्ट किंमती ५००००/-रू. ३) टाटा ११०९ क. MH 31 CQ 3751 किंमती १०,००,०००/-रू. असा एकूण १०९५०००/- रु चा मुद्देमाल जप्त करण्यात आला व गुन्हा उड़कीस आणला आरोपी, मुद्देमाल व कागदपत्रे पुढील तपास प्रक्रियेकरिता पोलीस स्टेशन उमरेड यांच्या ताब्यात देण्यात आले.
सदरची कारवाई नागपुर ग्रामीणचे पोलीस अधिक्षक हर्ष ए. पोद्दार (भा.पो.से), अपर पोलीस अधिक्षक डॉ. संदिप पखाले यांचे मार्गदर्शनात स्थानिक गुन्हे शाखेचे पोलीस निरीक्षक ओमप्रकाश कोकाटे, पोलीस उपनिरीक्षक आशीष मोरखडे, पोलीस हवालदार अरविंद भगत, गजेंद्र चौधरी, पोलीस अंमलदार राकेश तालेवार यांचे पथकाने केली आहे.
