नागपूर :- भारतीय लोकशाहीचे सर्वोच्च स्थान असलेल्या संसदेत सभागृह सुरू असताना आज घडलेला प्रकार निश्चितच निषेधार्ह आहे. दोन तरुणांनी थेट संसद सभागृह सुरू असताना उडी मारत केलेल्या या कृत्याचा मी निषेध करतो. लोकशाहीत आपल्या मागण्या मांडण्यासाठी विविध सनदशीर मार्ग असताना युवाशक्तीने रचनात्मक मार्गाने पुढे न जाता हा अतिरेकी मार्ग स्वीकारायला नको, त्यांनी असे कृत्य का केले याविषयीचा उलगडा सखोल तपासात होणारच आहे अशी प्रतिक्रिया रामटेकचे खासदार कृपाल तुमाने यांनी व्यक्त केली आहे.