मुंबई :-उपराष्ट्रपती पदावर निवड झाल्यानंतर पहिल्यांदाच जगदीप धनखड यांचे आज मुंबई येथे आगमन झाले.
छत्रपती शिवाजी महाराज आंतरराष्ट्रीय विमानतळावर राज्यपाल भगतसिंह कोश्यारी यांनी त्यांचे स्वागत केले. धनखड यांच्यासह त्यांच्या पत्नी डॉ. सुदेश धनखड देखील आल्या आहेत.
स्वागताला पर्यटन मंत्री मंगल प्रभात लोढा, अपर मुख्य सचिव नंद कुमार व इतर अधिकारी देखील उपस्थित होते.
उपराष्ट्रपतींच्या हस्ते महालक्ष्मी रेसकोर्स येथे वार्षिक आदित्य बिर्ला स्मृती चषक पोलो स्पर्धेचा बक्षीस वितरण समारंभ होणार आहे.
