बेला :- नजीकच्या पिपरा गावाबाहेर सिरसी रस्त्याचे वळणावर एक भरधाव ट्रक पुलाखालच्या कालव्यात उलटला. चालकाने प्रसंगावधान राखून केबिनची काच फोडून आपला जीव वाचवला. अपघात ग्रस्त ठिकाणी धोक्याचे वळण असून तेथे कालव्यावर अरुंद पूल आहे. यापूर्वीही तेथे बरेच अपघात झाले असून, काही व्यक्तींना आपला जीव गमवावा लागला. तरीपण सदर जीवघेणा पूल अजून पर्यंत दुरुस्त झाला नाही. सदर अपघाताची पोलीस ठाण्यात मात्र अद्याप नोंद झाली नव्हती.
